Woorden: Canzoni Napoletane. Cicerenella.

(POPOLARE)

Cicerenella mia, si' bona e bella!
Cicerenella tenea nu ciardino
e ll'adacquava cu ll'acqua e lu vino...
Ma ll'adacquava po' senza langella...
Chist'e 'o ciardino de Cicerenella...
Cicerenella teneva na gatta
ch'era cecata e purzi scontraffatta...
La strascenava cu meza codella...
Chest'e la gatta de Cicerenella...
Cicerenella teneva nu gallo
e tutta la notte nce jeva a cavallo...
Essa nce jeva po' senza la sella...
E chisto e lo gallo de Cicerenella...
Cicerenella teneva nu ciuccio
e ll'avea fatto nu bellu cappuccio...
Ma nu teneva ne ossa e ne pelle...
Chisto e lu ciuccio de Cicerenella...
Cicerenella tenea na gallina
che facea ll'uovo de sera e matina...
Ll'avea 'mparata a magna farenella...
Chest'e 'a gallina de Cicerenella...
Cicerenella tenea na pennata,
e, tutta la notte, steva allummata...
E ll'allummava co la lucernella...
Chesta e 'a pennata de Cicerenella...
Cicerenella teneva na votte:
mettea da coppa e asceva da sotto...
E nun ce steva tompagno e cannella...
Chesta e la votte de Cicerenella...
Cicerenella tenea na remessa
e nce metteva cavallo e calesse...
E nce metteva la soja tommonella...
Chesta e 'a remessa de Cicerenella...
Cicerenella tenea na tiella,
frijeva ll'ove cu la mozzarella...
e le ffrijeva cu la sarcenella...
Chesta e 'a tiella de Cicerenella...
Cicerenella mia, si' bona e bella