Woorden: Davide Van De Sfroos. El Puunt.

Suta el puunt in de dorma el sass, passa l'unda cume una frusta
Passa el veent in de la ca del ragn e la luserta equilibrista, ruvera la rattapignoela e la nocc che la rastrela el laagh
tuta l'acqua la paar catramm...suta el punt ghe sun duma me...

Diisi cume mai...seet gnamo ruvada e me lasset che insema ai tocch de legn
gh'e duma el rifless de la luus de Lescen e poe gh'e un'umbriia in soe'l to balcon

trema trema candela storta, trema foemm de la sigareta,
trema coer che va innaanz e indree...trema pass che fa pioe frecass...
quanti nocc suta sta finestra a sugna de sulta deent
quanti nocc suta el puunt de 'Zzan per basass cume duu assassen

Diisi cume mai me sun che scunduu e sun che a parla insema ai ratt de fogna
Mentre gh'e un omm in de la tua ca...senza la camisa e cul buceer in mann

Te speciavi cun scia una roesa adess te speci cun scia un baston
La finestra la paar quel quadru che speravi de mai vede
Sun restaa foe del to disegn, sun restaa foe de la curniis
Sun restaa foe de la finestra e 'l me sogn el gh'ha scia i valiis

Diisi cume mai...seet gnamo ruvada e me lasset che insema ai tocch de legn
gh'e duma el rifless de la luus de Lescen e poe gh'e un'umbriia in soe'l to balcon

Diisi cume mai me sun che scunduu e sun che a parla insema ai ratt de fogna
Mentre gh'e un omm in de la tua ca...senza la camisa e cul buceer in mann

Suta el puunt in de dorma el sass passa l'unda cume una frusta
Passa el veent in de la ca del ragn e la luserta equilibrista...
Suta el punt in de dorma el sass questa nocc durmiroo anca me
Gh'e una roesa che sfida l'unda...e galegia anca el me baston.

(Grazie a ste91 per questo testo)