Woorden: Mario Incudine. Terra. A Cugghiuta.

Versi di Angelo Sciacca ? Musica di Mario Incudine

Tri iorna tutta Enna mi firriai,
firmannumi ogni punta di vanedda
un sacciu quanta genti arrivigghiai
cca vuci duci da me ciaramedda.

?Nparu di scarpi quasi mi spardai*
ppi purtari a casa ?na guastedda*,
assimi a li fidili cugghituri,
ppi farici la festa a lu Signori.

Di quannu morsi lu me ginituri,
si vint?anni ca vignu ppi sunari,
quannu ppi la Madonna e lu Signuri,
ogn?annu chistu viaggiu mi l?ha fari.

Fina ca voli Cristu Redenturi
Fazzu prupunimentu i non mancari.
Quannu nun pozzu cchiu viniri iu,
sara ben fattu chiddu chi fa Diu.

Oh ciaramedda, ciaramedda mia,
ca nesci ogn?annu ppi la ?Mmaculata,
sunannu pasturali e litania
ppi li quarteri di la me cuntrata.
Da cinquantacinc?anni son?a tia
Senza pirdiri nemmeno un?annata,
ma pensu sulu ccu malincunia
ca quarchi gghiornu resti abbannunata.



*raccolta delle offerte per realizzare le feste di quartiere;
*Angelo Sciacca e l?unico ciarammiddaro (assieme al fratello Alfio) ancora vivo in provincia di Enna;
*ho consumato;
*tipo di pane tradizionale ennese


(Thanks to Mario Incudine for these lyrics)