Woorden: Surghjenti. Dumani. Dumani.

He brusta 'ssa manata di versi paisani
Scritti in un linguaghju di Corsica suttana
Fatti par raminta i scossi di l'anziani
In un mondu crudeli di quissa nova andana !

A brusta he un focu ch'un voli micca mora
Com'un pudara mora 'ss'isula tant'amata
Se tutti i so fiddoli da drintu e da fora
L'aiutani a sfranca si da 'ssa dura imbuscata !

Dumani suffiara a nantu a quissa brusta
Un ventu d'aria pura vinutu da u cori
Chi dara nova fiamma a una zidda frusta
E chi fara pisa un'alba di splendori !

Dumani quissi casi chi oghji so sfraiati
Sarani dino pieni di risa zitiddina
Quissi chjosi e 'ssi prati fin'ava tralasciati
Un timarani piu d'anda a a ruvina !

Dumani a ghjuventu chi oghji s'addispera
Fighjulara l'avvena cantendu a so spiranza
E ni suminara un'amicizia vera
Da induva nasciara ghjustizia e fratiddanza !